ទស្សនាវដ្តីសុខភាព
តំណរភ្ជាប់
សារពី លោក វេជ្ជបណ្ឌិត លី ចេងហ៊ុយ
នាយកប្រតិបត្ដិអង្គការពន្លឺសុខភាព
គេហទំព័ររបស់អង្គការពន្លឺសុខភាព សូមស្វាគមន៍។
យើងគឺជាអង្គការក្រៅរដ្ឋាភិបាលនៃប្រទេសកម្ពុជា ដែលជាអ្នកចេញផ្សាយ ទស្សនាវដ្ដីសុខភាព, ព្រឹត្ដិបត្ដិវេជ្ជសាស្ដ្រសំរាប់គិលានុបដ្ឋាក-យិកា និង អ្នកជំនាញសុខាភិបាល នៅក្នុងប្រទេសកម្ពុជា។ អង្គការ ពន្លឺសុខភាព គឺជាសកម្មជនគន្លឹះ ចូលរួមចំណែកក្នុងការអភិវឌ្ឍន៍ កែលំអសុខភាព និងសុខុមាលភាពរបស់ប្រជាពលរដ្ឋកម្ពុជា ជាមួយ បេសកកម្ម គឺលើកកំពស់ការអនុវត្ដន៍ វេជ្ជសាស្ដ្រ ត្រឹមត្រូវក្នុងចំណោមអ្នកវិជ្ជាជីវៈសុខាភិបាលដែលអាចផ្ដល់ការថែ ទាំ សុខភាព ប្រកបដោយគុណភាពដល់ប្រជាពលរដ្ឋកម្ពុជាគ្រប់រូប។
រយៈពេល១២ឆ្នាំមកនេះ ទស្សនាវដ្ដីសុខភាពបានរួមចំណែកពង្រឹង មន្ដ្រី សុខាភិបាល ជាពិសេស គិលានុប្បដ្ឋាក-យិកា និងឆ្មប ដោយផ្អែក លើ គម្រោងជាយុទ្ឋសាស្ដ្រ និងគោលនយោបាយថ្នាក់ ជាតិរបស់ ក្រសួង សុខាភិបាល។
ទស្សនាវដ្ដីសុខភាពតែងតែត្រូវបានបង្កើតឡើងដោយមានការសហការយ៉ាង ជិតស្និតជាមួយក្រសួងសុខាភិបាល និងក្រសួង ពាក់ព័ន្ធផ្សេងទៀត ក៏ដូចជាអង្គការជាតិ និងអន្ដរជាតិដែលកំពុងដំណើរការក្នុងប្រទេសកម្ពុជា។ យើងមានសេចក្ដីថ្លែងអំណរ គុណយ៉ាងខ្លាំងចំពោះរាល់បណ្ដាដៃគូទាំងអស់ ដែលសព្វថ្ងៃនេះយើងអាចថ្លែងបញ្ជាក់ប្រាប់ការពិតបានថា សៀវភៅ ទស្សនាវដ្ដីចំនួន ប្រមាណជា ៣ ម៉ឺន ក្បាល ត្រូវបានចែកចាយ ទៅកាន់ ខេត្ដ ក្រុង ទាំង ២៤ ជារៀងរាល់ ៣ ខែ។
យើងក៏មានសេវាកម្មនៃការបកប្រែអត្ថបទវេជ្ជសាស្រ និងសុខភាព សាធារណៈ និងការផលិតសម្ភារៈអប់រំសុខភាព សម្រាប់អង្គការ និងស្ថាប័ន ផ្សេងៗ។
ក្រុមប្រតិបត្ដិរបស់អង្គការពន្លឺសុខភាព ប្ដេជ្ញាចិត្ដក្នុងការធ្វើអោយមាន ការរីក ចំរើនជាបន្ដបន្ទាប់ ក្នុងការផលិត និងស្វែងរក ដើម្បីផ្ដល់នូវសេវាកម្ម ដ៏ប្រសើរបំផុត ដល់អ្នកអាន ដៃគូចែកចាយ និងដៃគូទាំងអស់របស់យើង។
សូមអរគុណចំពោះការទស្សនាគេហទំព័ររបស់យើង។ ប្រសិនបើអ្នកចង់ពិគ្រោះយោបល់ជាមួយក្រុមការងាររបស់អង្គការពន្លឺសុខ ភាព ខ្ញុំសូមទទួលស្វាគមន៍យ៉ាងកក់ក្ដៅចំពោះអ្នក ក្នុងការទំនាក់ទំនង ជាមួយយើង តាមរយៈលេខទូរស័ព្ទសំខាន់ៗរបស់យើង មួយណាក៏បាន។
វេជ្ជបណ្ឌិត លី ចេងហ៊ុយ
នាយកប្រតិបត្ដិអង្គការពន្លឺសុខភាព
និងនិពន្ធនាយកនៃទស្សនាវដ្ដីសុខភាព
